పుట్టిన రోజునే ప్రిన్స్ సినిమా?

హైదరాబాద్: మహేష్ బాబు, సుకుమార్ కాంబినేషన్లో వస్తున్న సినిమా విడుదల ఖరారైనట్లు కనిపిస్తుంది. ప్రస్తుతం శరవేగంగా షూటింగ్ జరుపుకుంటున్న ఈ సినిమా మహేష్ బాబు పుట్టిన రోజునే విడుదల చేయనున్నట్లు తెలుస్తుంది. ఆగస్ట్ 9 న మహేష్ పుట్టిన రోజు కావడంతో ఆ రోజే సినిమాను కూడా విడుదల చేయనున్నారు.

ప్రస్తుతం దాదాపుగా అరవై శాతం వరకు షూటింగ్ పూర్తయిన ఈ సినిమాను ఆగస్ట్ లో అయితే ప్రస్తుతం విడుదలకు సిద్దంగా ఉన్న అన్ని సినిమాలు వాటి పని అవి చేసుకుని వెళ్ళిపోతాయి. అప్పుడు మహేష్ సినిమాను పుట్టిన రోజున అభిమానులకు గిఫ్ట్ గా రిలీజ్ చేయాలని భావిస్తున్నారు. మిగిలిన షూటింగ్ కోసం ఈ యూనిట్ కూడా లండన్ వెళ్లనుంది.

గతంలో ఆగస్ట్ 10న 'అతడు' సినిమా విడుదలై హిట్ కొట్టడం కూడా ఈ సినిమా విడుదలకు మరో కారణంగా తెలుస్తుంది. ఈ సినిమాలో మహేష్ కు జోడిగా ప్రముఖ మోడల్ కృతి సనాన్ నటిస్తుంది. 14 రీల్స్ ఎంటర్ టైన్మెంట్ పతాకంపై వస్తున్న ఈ సినిమాకు దేవిశ్రీప్రసాద్ స్వరాలిస్తుండగా పేరును ఇంకా ఖరారు చేయలేదు.