శృతికూడా బుక్కయ్యిందా..!

హైదరాబాద్: భారి బడ్జెట్ తో రాజమౌళి దర్శకత్వంలో తెరకెక్కుతున్న బాహుబలి చిత్రానికి నటీ నటుల ఎంపిక  ఒక సెన్సేషనల్ మారి భారీ మల్టీ స్టారర్ అయ్యింది. భారతీయ జానపద కథాంశం నేపథ్యంలో రూపొందిస్తున్న ఈ సినిమాలో 'అనగనగా ఒక ధీరుడు' సినిమాలో రాకుమారి తరహా పాత్రలో మెప్పించిన శృతి హసన్ కూడా ఎంపిక అయిందని టాలీవుడ్ లో వినిపిస్తుంది. 

 

ఇప్పటికే ప్రభాస్, అనుష్క, రానాలతోపాటు నాగబాబు కూడా ఈ సినిమాలో నటిస్తుండగా ఇప్పుడు శృతి కూడా తోడవడంతో బాహుబలికి కొత్త కళ సంతరించుకోనుంది. దీనికి సంబంధించి చర్చలు కూడా పూర్తయ్యాయని టాక్ వినిపిస్తుంది. 

 

ప్రస్తుతం శృతి రవితేజ 'బలుపు' సినిమాతో పాటు ఎన్టీఆర్, హరీష్ శంకర్ కాంబినేషన్ లో వస్తున్న సినిమాలో ఓ పాత్ర చేస్తుంది. రాజమౌళి కాస్టింగ్ విషయంలో కూడా ఎక్కడా రాజీపడకుండా మంచి నటీనటులను సెలెక్ట్ చేసుకుంటూ ఎప్పటికప్పుడు సినిమాపై మరింత ఆసక్తి పెంచుతున్నారు.